ތާރީޚު
ގެފުޅު ތަޅާލާނެ މީހާ
ﷲ سُبْحَانَهُ وَتَعَالَى މި ބިމުގައި ލެއްވި އެންމެ މާތް ބިމަކީ މައްކާގެ ބިމެވެ. މައްކާގެ ޙަރަމްފުޅު ހިމެނޭ ސަރަހައްދު ވަނީ ޙުރުމަތްތެރިވެގެންވާ އަމާންތަނެއްކަމުގައި ލައްވާފައެވެ. އެ ބިމުގައިވާ މަސްޖިދުލްޙަރާމަކީ މި ބިމުގައިވާ އެންމެ މާތް މިސްކިތެވެ. އެ މިސްކިތުގައި ކުރެވޭ ނަމާދަކީ އެހެން މިސްކިތެއްގައި ކުރެވޭ އެއްލައްކަ ނަމާދަށްވުރެ އިތުރު ނަމާދެކެވެ. އެ މިސްކިތްކޮޅުގައިވާ ކަޢުބަތުﷲ ގެފުޅަކީ މި ބިންމަތީގައިވާ އެންމެ މާތް ތަނެވެ. މާތް ﷲގެ އެއްކައުވަންތަކަމާއި އިސްލާމްދީނުގެ ހައިބަތު ރަމްޒުކޮށްދޭ އެންމެ މުހިއްމު ރަމްޒެވެ.
އިތުރަށް ވިދާޅުވުމަށް
މަހްދީގެފާނު ފާޅުވުން
ޒަމާނަކީ ދުނިޔޭގެ ކަންކަން އެފުށްމިފުށަށްޖެހި، މި ކާއިނާތުގެ ނިމުން ކައިރިވަމުންދާ ޒަމާނެވެ. މި ދުނިޔޭގެ ނިމުން އަންނަކަން ބަޔާންކޮށްދެނިވި ކުދި ޢަލާމާތްތައް ފާޅުވެ، ބޮޑެތި ޢަލާމާތްތައް ފާޅުވުމަށް ކުޑަތަންވެފައިވާނެ ޒަމާނެވެ. އެ ޒަމާނުގައި މީސްތަކުންގެ ތެރޭގައި؛ ބޮޑެތި ފާފަތަކުގެ ތެރޭގައި ހިމެނޭ ބަނގުރަލާއި، ޒިނޭއާއި، ރިބާއާއި، މިއުޒިކުކުޅޭ ސާމާނުތައް ޙަލާލުކޮށް އުޅޭނެއެވެ. ދޮގުވެރިކަމާއި، ދޮގުހެކިދިނުމާއި، ޖާހިލުކަން ވާނީ އިންތިހާއަށް ފެތުރިފައެވެ. ބިންގަނޑުގެ ތެރެއަށް ގަންބަވައިގަތުމާއި، ޒަލްޒަލާތައް ގިނަވެގެންދާނެއެވެ. ޤަތުލުކުރުން އިންތިހާއަށް ޢާއްމުވެގެންދާނެއެވެ. އެ ޒަމާނުގައި މުޞީބާތްތައް ގިނަވެ، މަރަށް އެދޭމީހުން ގިނަވެގެންދާނެއެވެ. ޤަބުރެއްކައިރިން ދާމީހަކު ބުނާނެއެވެ. ތިމަން މި ޤަބުރުގައިވީނަމަ ކިހާ ރަނގަޅުވީސް ހެއްޔެވެ؟ މިގޮތުގައި ކަންކަން ވަނިކޮށް، މާތް ﷲ މީސްތަކުންގެ މެދުގައި ޢަދުލުވެރިކަމާއި، އިންޞާފު ޤާއިމުކުރައްވައި، ޙައްޤު ބަޔާންކޮށްދެއްވާނެ ބޭފުޅެއްގެ ގޮތުގައި މަހްދީގެފާނު ފޮނުއްވާނެއެވެ.
އިތުރަށް ވިދާޅުވުމަށް
މަލާއިކަތަކު 3 މީހަކު އިމްތިޙާނު ކުރެއްވިއެވެ!
އިމާމް ބުޚާރީއާއި އިމާމް މުސްލިމް ރިވާކުރެއްވިއެވެ. ނަބިއްޔާ صَلَّى اللهُ عَلَيْهِ وَسَلَّمَ ޙަދީޘްކުރެއްވިއެވެ. "ބަނޫ އިސްރާއިލުންގެ ތެރޭގައި ތިން މީހަކު އުޅުނެވެ. އެއިގެ ތެރެއިން އެކަކީ ބަރަސްބަލި ޖެހުމުގެ ސަބަބުން ހަންގަނޑާއި ހަންގަނޑުގެ ކުލަ ހުތުރުމީހެކެވެ. ދެވަނަމީހަކީ ބޯ ތަލަވެފައިވާ މީހެކެވެ. ތިންވަނަ މީހަކީ ލޯފަން މީހެކެވެ. ފަހެ، މާތް ﷲ އެބައިމީހުން އިމްތިޙާނުކުރެއްވުމަށް އިރާދަކުރެއްވިއެވެ. އެބައިމީހުން އިމްތިޙާނު ކުރެއްވުމަށް ޓަކައި އެބައިމީހުންގެ ގާތަށް މަލާއިކަތް ބޭކަލަކު ފޮނުއްވިއެވެ. މިގޮތުން، އެންމެ ފުރަތަމަ ބަރަސްބަލި ޖެހިފައިވާމީހާގެ ގާތަށް އިންސާނެއްގެ ސޫރާގައި ވަޑައިގެން ސުވާލުކުރެއްވިއެވެ. "ތިބާ އެންމެ އެދެނީ ކޮންކަމަކަށްތޯއެވެ؟" އެމީހަކު ދެންނެވިއެވެ. "ހަންގަނޑުގެ ކުލަ ރީތިވުމެވެ. އަދި ރަނގަޅު ހަންގަނޑެއް ލިބުމެވެ. އަދި މީސްތަކުން ތިމަންދެކެ ނުރުހުންތެރިވާ މި ބަލިން ދުރުކޮށްދެއްވުމެވެ." ފަހެ، އެ ބޭކަލަކު އެމީހާގެ ގައިގައި އަތްޕުޅު ބީއްސާލެއްވުމުން އެ ބަލި ފިލައިގެން ދިޔައެވެ. އަދި ހަންގަނޑުގެ ކުލަ ރީތިވެ، ހަންގަނޑު ރަނގަޅުވެގެން ދިޔައެވެ. އެބޭކަލަކު ވިދާޅުވިއެވެ. "ތިބާ އެންމެ އެދެނީ ކޮން ވައްތަރެއްގެ މުދަލަކަށް ހެއްޔެވެ؟" އެމީހަކު ދެންނެވިއެވެ. "ޖަމަލެވެ." އެބޭކަލަކު އެމީހަކަށް މާބަނޑުވިތާ ދިހަމަސް ފުރިފައިވާ ޖަމަލެއް ދެއްވައި ވިދާޅުވިއެވެ. "މާތް ﷲ އެ ޖަމަލުގައި ތިބާއަށްޓަކައި ބަރަކާތް ލައްވާށިއެވެ!"
އިތުރަށް ވިދާޅުވުމަށް
މޫސާ عليه السلام އާއި خضر
ދުވަސްތަކުގެ ތެރެއިން ދުވަހެކެވެ. މޫސާ عَلَيهِ السَّلام ބަނޫ އިސްރާއީލުގެ މީހުންނަށް ޢަޖާއިބުކުރުވަނިވި، އަސަރުގަދަ ވާހަކަފުޅެއް ދެއްކެވިއެވެ. އެ ވާހަކަފުޅު ނިންމަވާލެއްވުމާއެކު މީހަކު ތެދުވެ ދެންނެވިއެވެ. "އޭ ﷲގެ ނަބިއްޔާއެވެ! މި ބިންމަތީގައި ކަލޭގެފާނަށްވުރެ ޢިލްމުވެރި މީހަކު އެބަހުރިތޯއެވެ؟" އެކަލޭގެފާނަކީ މެދުވެރިއެއްނެތި ﷲ ބަސްވަޙީކުރެއްވި ކަލޭގެފާނު ކަމުގައިވާތީއާއި، ރަސޫލެއްކަމުގައިވާތީ، އެކަލޭގެފާނަށްވުރެ ޢިލްމުވެރި އިންސާނަކު މި ބިންމަތީގައި ނެތްކަމަށް ހީފުޅުކުރައްވައި، އެ ސުވާލުގެ ޖަވާބުގައި އެފަދަ މީހަކު ނެތްކަމުގައި ޖަވާބުދެއްވިއެވެ.
އިތުރަށް ވިދާޅުވުމަށް
އިސްލާމްދީނާއި ޔޯގާ!
ބުނެވޭ ގޮތުގައި ޔޯގާއަކީ އިންސާނާގެ ހަށިގަނޑާއި ސިކުނޑިއާއި ރޫޙު ގުޅުވައި ދޭ ޙަރަކާތްތަކެއްގެ ގޮތުގައި ޤަދީމީ އިންޑިއާގައި އުފެދިގެން އައި ކަމެކެވެ. ޔޯގާގެ އެކިއެކި މަދަރުސާތައް ނުވަތަ މަންހަޖުތައް ހުރެއެވެ. ހިންދޫދީނާއި، ބުދުދީނާއި، ޖެއިންދީނުގައި ތަފާތު ގޮތްގޮތަށް މި ކަން ކުރެވެއެވެ. އަދި ޤަދީމީ ވައްތަރުތަކާއި، ފަހުގެ އެކިއެކި ވައްތަރުތައް ވެސް ހުރެއެވެ. މިހާރު މުޅި ދުނިޔެއަށް ޔޯގާ މަޝްހޫރުވެގެން އައިސްފައި ވަނީ ޞިއްޙީ ކަސްރަތެއްގެ ގޮތުގައެވެ.
އިތުރަށް ވިދާޅުވުމަށް
އިންސާނުން ބަސްމޮށެން ފެއްޓިގޮތް
އިންސާނުން ބަސްމޮށެއުޅޭ ބަސްތަކާމެދު ވިސްނާލެއްވީމުތޯ؟ އަދުގެ ދުނިޔޭގައިވެސް އިންސާނުން ކިތައް ބަހުން ބަސްމޮށެއުޅޭކަން އެނގިލައްވާތޯ؟ އިންސާނުން ބަސްމޮށެއުޅެން ފެށީ ކިހިނެއްކަން އެނގިލައްވާތޯ؟ ހަމައެކަނި މިއަދުގެ ދުނިޔެއަށް ބަލާލައިފިކަމުގައިވާނަމަވެސް 7 ހާހަށްވުރެ ގިނަ ބަހުން އިންސާނުން ބަސްމޮށެއެވެ. ބަސްމޮށުންތެރިކަމަކީ މާތް ﷲ އިންސާނުންނަށް ދެއްވި އެންމެބޮޑު އެއް ނިޢުމަތެވެ.
އިތުރަށް ވިދާޅުވުމަށް
ތަޤްވާވެރިކަމުގެ ބަދަލު
"ތަފްސީރުއް ޠަބަރީ" ގެ ނަމުން މަޝްހޫރުވެގެންވާ ކީރިތި ޤުރްއާނުގެ ތަފްސީރު ފޮތް އެކުލަވާލެއްވި އިބްނު ޖަރީރުއް ޠަބަރީ رَحِمَهُ اللهُ ބަޔާންކޮށްދެއްވާފައިވާ ޙާދިސާއެއް އިބްނުލް ޖައުޒީ "ޞަފްވަތުއް ޞަފްވާ" އޭ ކިޔުނު ފޮތުގައި ގެންނަވާފައިވެއެވެ. މި ޙާދިސާ ހިނގާފައި ވަނީ ހިޖުރީގޮތުން 3 ވަނަ ޤަރުނުގެ ތެރޭގައެވެ. އިބްނު ޖަރީރު ވިދާޅުވިއެވެ. ޙައްޖު މޫސުމުގައި އަހަރެން މައްކާގައި ވީމެވެ. މިގޮތުން އެއްދުވަހަކު ޚުރާސާނު މީހަކު ގޮވަން ފެށިއެވެ. (ޚުރާސާނަކީ މިހާރުގެ އީރާނާއި އަފްޣާނިސްތާނާއި ތުރުކުމަނިސްތާނު ހިމެނޭ ހިސާބެވެ.) "އޭ އެންމެހާ ޙައްޖުވެރިންނޭވެ! އޭ މައްކާގެ އަހުލުވެރިންނޭވެ! އެއްހާސް ދީނާރު އޭގެ ތެރޭގައިވާ ކޮތަޅެއް ތިމަންގެ އަތުން ގެއްލިއްޖެއެވެ. އެ ކޮތަޅު ހޯދައިގެން ގެނެސްދީފިމީހަކަށް މާތް ﷲ ހެޔޮ ޖަޒާދެއްވާނެތެވެ! އަދި ނަރަކައިން އެމީހަކު މިންޖުކޮށްދެއްވާނެތެވެ! ޙިސާބު ބެއްލެވޭދުވަހުގައި އެމީހަކަށް ހެޔޮ އަޖުރާއި ޘަވާބު ދެއްވާނެތެވެ!"
އިތުރަށް ވިދާޅުވުމަށް
ގެފުޅު ތަޅާލާނެ މީހާ
ﷲ سُبْحَانَهُ وَتَعَالَى މި ބިމުގައި ލެއްވި އެންމެ މާތް ބިމަކީ މައްކާގެ ބިމެވެ. މައްކާގެ ޙަރަމްފުޅު ހިމެނޭ ސަރަހައްދު ވަނީ ޙުރުމަތްތެރިވެގެންވާ އަމާންތަނެއްކަމުގައި ލައްވާފައެވެ. އެ ބިމުގައިވާ މަސްޖިދުލްޙަރާމަކީ މި ބިމުގައިވާ އެންމެ މާތް މިސްކިތެވެ. އެ މިސްކިތުގައި ކުރެވޭ ނަމާދަކީ އެހެން މިސްކިތެއްގައި ކުރެވޭ އެއްލައްކަ ނަމާދަށްވުރެ އިތުރު ނަމާދެކެވެ. އެ މިސްކިތްކޮޅުގައިވާ ކަޢުބަތުﷲ ގެފުޅަކީ މި ބިންމަތީގައިވާ އެންމެ މާތް ތަނެވެ. މާތް ﷲގެ އެއްކައުވަންތަކަމާއި އިސްލާމްދީނުގެ ހައިބަތު ރަމްޒުކޮށްދޭ އެންމެ މުހިއްމު ރަމްޒެވެ.
އިތުރަށް ވިދާޅުވުމަށް
ދީން ދަސްކޮށްދެއްވުމަށްޓަކައި ވަޑައިގެންނެވި ބޭކަލެއް
އެއްދުވަހެއްގައި ޢުމަރު رَضِيَ اللّهُ عَنْهُ އާއި އެހެން ބައެއް ޞަޙާބީބޭކަލުން ރަސޫލުﷲ صَلَّى اللهُ عَلَيهِ وَسَلَّم ގެ އަރިހުގައި ތިއްބެވިއެވެ. މިގޮތުގައި އެބޭކަލުން ތިއްބަވަނިކޮށް ދުރުން ބޭކަލަކު ވަޑައިގަންނަވާތަން ފެނިވަޑައިގަތެވެ. އެ ބޭކަލެއްގެ ކިބައިން ސާފުތާހިރުކަމާއި ރީތިކަން ފާޅުވެ ފާޅުވެ ހުއްޓެވެ. ހެދުމުގެ ހުދުކަން ގަދައެވެ. އަދި އިސްތަށީގެ ކަޅުކަންވެސް އެހާ ގަދައެވެ. ދަތުރެއް ކުރިކަމުގެ އެއްވެސް އަސަރެއް ފެންނާކަށް ނެތެވެ. ދަތުރެއްކޮށްފިކަމުގައިވާނަމަ ސަހަރާގެ ހިރަފުސްބުރައި ހެދުމާއި އިސްތަށިގަނޑު ހަޑިވެފައި ހުންނާނެއެވެ. މިފަދަ އެއްވެސް ޢަލާމާތެއް ފެންނާކަށް ނެތެވެ. އަދި ޞަޙާބީންކުރެ އެއްވެސް ބޭކަލަކަށް އެބޭކަލެއް އެނގިވަޑައެއް ނުގަތެވެ. މިއީ ކޮން ބޭކަލެއްތޯއާމެދު ޞަޙާބީބޭކަލުން ޢަޖައިބުވެ ލެއްވިއެވެ.
އިތުރަށް ވިދާޅުވުމަށް
ހޮހަޅައެއްގައި ތާށިވި 3 މީހުންގެ ވާހަކަ
އިމާމް ބުޚާރީއާއި އިމާމް މުސްލިމް ޢަބްދުﷲ ބުން ޢުމަރު رَضِيَ اللهُ عَنْهُمَا ގެ ކިބައިން ރިވާކުރައްވާފައިވެއެވެ. ރަސޫލުﷲ صَلَّى اللهُ عَلَيْهِ وَسَلَّمَ ބަޔާންކޮށްދެއްވި ވާހަކައެއްގައި ވެއެވެ. ތިޔަބައިމީހުންގެ ކުރީގެ މީހުންގެ ތެރެއިން ތިން މީހަކު ދަތުރަކު ނުކުތެވެ. ރޭގަނޑުވުމުން މަޑުކޮށްލުމަށްޓަކައި ހޮހަޅައެއް ހޯދައި އެ ހޮހަޅައަށް ވަދެއްޖެއެވެ. އެ ތިންމީހުން ހޮހަޅައިގެ ތެރޭގައި ތިއްބައި ބޮޑު ހިލައެއް ފުރޮޅިގެން އައިސް ހޮހަޅައިގެ ދޮރުމައްޗަށް ވެއްޓި، ހޮހަޅައިގެ ދޮރު ބަންދުވެއްޖެއެވެ. ހޮހަޅައިގެ ތެރޭގައި ވަނީ އަނދިރިކަމެވެ. ނުކުމެވޭނެ އެއްވެސް ދިމާލެއް ފެންނާކަށް ނެތެވެ. ހިސާބަކީ މީހަކު ހަޅޭއްލެވިކަމުގައިވީނަމަވެސް އެ އަޑު މީހަކަށް އިވޭނެ ހިސާބެއް ނޫނެވެ. އެ ހިލަގަނޑު އެއްފަރާތްކޮށްގެން ނޫނީ ސަލާމަތެއް ވާކަށް ނެތެވެ. އެ ހިލަގަނޑު އެއްފަރާތްކުރެވޭތޯ ތިންމީހުން މަސައްކަތް ފެށިއެވެ. އުޅެއުޅެ އެ ހިލަގަނޑު އެއްފަރާތް ކުރެވޭ ވަރެއް ނުވިއެވެ. އެއީ ބަޔަކަށް ގުޑުވާލެވޭ ވަރަށްވުރެ މާބޮޑު މާބަރު ހިލަގަނޑެކެވެ. އެބައިމީހުންގެ ކުރިމަތިން މަރު ފެނުނުކަހަލައެވެ. އެހެންނަމަވެސް، މިބައިމީހުންނަކީ އީމާންކަން އެބައެއްގެ ހިތުގައިވާމީހުން ކަމުގައިވާތީ، މިބައިމީހުންގެ އެންމެ ވަރުގަދަ ހަތިޔާރުގައި ހިފުމަށް ތައްޔާރުވިއެވެ. އެންމެ ބޮޑު ޔަޤީންކަމުގައި ހިފުމަށް އަތުކުރި އޮޅާލިއެވެ. އެބައިމީހުން އެކަކު އަނެކަކަށް ބުނަންފެށިއެވެ. "ތިޔަބައިމީހުން ކޮށްފައިވާ ޞާލިޙު ޢަމަލުތަކުން ﷲއަށް ދުޢާކޮށްގެން މެނުވީ ތިޔަބައިމީހުންނަކަށް ސަލާމަތެއް ނެތެވެ."
އިތުރަށް ވިދާޅުވުމަށް
